प्रतिनिधी- चंद्रकांत उदगिरे
धारुर तालुक्यातील युवा सामाजिक कार्यकर्ते सौरभ उजगरे यांनी आपल्या वाढदिवसानिमित्त समाजाप्रती असलेली जबाबदारी जपत एक प्रेरणादायी उपक्रम राबविला. वाढदिवस हा केवळ आनंद साजरा करण्याचा दिवस न ठरता, समाजासाठी काहीतरी देण्याचा संकल्प त्यांनी यावेळी प्रत्यक्ष कृतीतून दाखवून दिला.या निमित्ताने गरजू विद्यार्थ्यांना शालेय साहित्याचे वाटप करण्यात आले. शिक्षणाची गोडी वाढावी आणि विद्यार्थ्यांना प्रोत्साहन मिळावे या उद्देशाने हा उपक्रम राबविण्यात आला. विद्यार्थ्यांच्या चेहऱ्यावर दिसणारा आनंद हा या कार्यक्रमाचा खरा यशस्वी क्षण ठरला.तसेच, जनावरांप्रती आपुलकी आणि संवेदनशीलता जपत गोशाळेमध्ये जाऊन चारा वाटपाचा कार्यक्रम घेण्यात आला. या उपक्रमातून “सेवा हीच खरी पूजा” हा संदेश समाजापर्यंत पोहोचविण्याचा प्रयत्न करण्यात आला.हा संपूर्ण उपक्रम टायगर ग्रुपच्या माध्यमातून अत्यंत नियोजनबद्ध पद्धतीने पार पडला. या कार्यामागे उमेश भाऊ पोखरकर यांचे मोलाचे मार्गदर्शन लाभले. त्यांच्या प्रेरणेतूनच सौरभ उजगरे हे सामाजिक कार्यात सक्रिय असून, त्यांच्या नेतृत्वाखाली अनेक उपक्रम यशस्वीरित्या राबवले जात आहेत.कार्यक्रमावेळी उपस्थित मान्यवर व नागरिकांनी यांच्या कार्याचे मनापासून कौतुक केले. वाढदिवस साजरा करण्याचा हा आदर्श आणि समाजाभिमुख पद्धतीचा उपक्रम इतर तरुणांसाठीही प्रेरणादायी ठरणार असल्याचे मत व्यक्त करण्यात आले. सर्व उपक्रम टायगर ग्रुप चोरंबाच्या माध्यमातून यशस्वीरित्या पार पडला. या कार्यासाठी टायगर ग्रुप मराठवाडा अध्यक्ष पै. उमेश भाऊ पोखरकर यांच्या प्रेरणेतून सौरभ उजगरे सामाजिक कार्यात सातत्याने पुढाकार घेत असून, अनेक उपक्रम यशस्वी करत आहेत.या कार्यक्रमासाठी गावातील प्रतिष्ठित व्यक्ती, सरपंच, उपसरपंच, ग्रामपंचायत सदस्य तसेच अनेक मान्यवर मोठ्या संख्येने उपस्थित होते. उपस्थित मान्यवरांनी या उपक्रमाचे कौतुक करत, वाढदिवस साजरा करण्याचा हा आदर्श पद्धतीचा मार्ग असल्याचे मत व्यक्त केले.कार्यक्रमामुळे गावात सामाजिक एकोपा व सकारात्मक वातावरण निर्माण झाले असून, युवकांनीही अशा उपक्रमांमधून समाजासाठी पुढे यावे, असा संदेश यावेळी देण्यात आला.
